Hona hemen URTABI taldearen aurkezpen xumea. Azken hogei urteotan zaletasun berak batu gaitu: urak.
Horren inguruan maila ezberdinetako urpekariak biltzen gara, egunez egun ingurune zirraragarri honi buruz pixka bat gehiago ezagutzeko irrikan.
Gure egoitza Bilbon dago eta asmo anitzez inguratzen da jendea gurera: mundu honetan lehenbiziko urratsak eman, sakondu, irakatsi, bizipenak trukatu edo gozatzeko baino ez.
Behin urpekaritza dastatuta, zaletasun honek ematen diguna jakinarazi beharra sentitzen dugu.